DISTRIBUTION OF CASH AND FOOD SUBSIDY
February 9, 2021
PRE-TRAINING WORKSHOP
February 9, 2021

Clean Up Drive sa mga Barangay

Sa pagpuon kan taong 2021, pormal man na pinag puonan kan Sangguniang Kabataan Federation kan Tinambac sa pamamayo ni SK Federation President Niel Bryan A. Romangaya an Clean Up Drive sa mga barangay, sarong inisyatibo asin prayoridad na programa ngunyan na taon na kumpunido asin katuwang kan gabos na Youth Organizations sa banwaan nin Tinambac na kun dagos ng maaprobaran, aapodon ini bilang Tinambac Youth Development Council.

Kan Sabado, Enero 30 kan taon na presente, pinagkonduser an pinaka enot na Clean Up Drive ngunyan na taon sa Barangay Bolao Balite kaibahan an satong mga mahihigos na jovenes na minarepresentar kan manlaen laen na youth organizations kan banwaan na may katuyohan na makatabang sa pagmantenir kan kalinigan, mapangatamanan an kapalibotan asin maka krear nin pusog, maray asin dayupot na iribanan sa lambang organisasyon pasiring sa pagiging mga responsableng jovenes na nagmamakulog asin nagtatabang sa katrangkilohan asin sa orog na pag asenso kan banwaan.

An siring na lakdang asin kaisipan suportado man kan satong lokal na gobyerno sa pamamayo ni Mayor Ruel Brioso Tuy, Vice Mayor Belle Prades asin bilog na myembros kan Sangguniang Bayan. Sa pagkakasararo, bayanihan asin pagtatarabangan, mas dakol an mahahaman para sa dagos dagos na pag uswag kan banwaan. Mabalos sa satong mga jovenes!