LTO E-Patrol Outreach
March 3, 2021
SVP-21-B-019 Supply and Delivery of Office Equipment (Printer) of Municipal Budget Office
March 5, 2021

Handog Titulo Program

Marso 1, 2021, kaibahan an mga personahes kan Department of Environment and Natural Resources-Community Environment and Natural Resources Office- Goa, Tinambac, Camarines Sur (DENR-CENRO), Barangay Opisyales kan Binalay sa pamamayo ni Punong Barangay Romeo O. Abelligos asin kan Municipal Assessors Office sa pamamayo ni Maam Raquel T. Hiloma, pinangenotan ni Mayor Atty. Ruel Brioso Tuy an pagtao kan mga libreng titulo para sa katorseng resipyentes kan Barangay Binalay parte kan Handog Titulo Program, programa manungod sa pagpapatitulo kan pampublikong daga o Public Land Titling kan DENR-CENRO, Goa katuwang kan lokal na gobyerno kan banwaan nin Tinambac.
An Handog Titulo Program sa banwaan nin Tinambac naging posible nin huli sa espwerso kan satong lokal na gobyerno partikular kan Municipal Assessors Office na may katuyohan na matabangan an satong mga kahimanwa na makapagpatitulo kan saindang mga pagrurugaring na daga nin libre. Pinuonan an pinaka primerong Handog Titulo Program sa Barangay Binalay asin magpapadagos an programang ini sa interong 44 na barangay kan banwaan, makipag koordinar sana po sa satuyang Municipal Assessors Office.
Sa ngaran po kan lokal na gobyerno kan Tinambac an samuya pong pagtaong pasasalamat sa Department of Environment and Natural Resources-Community Environment and Natural Resources Office -Goa, Tinambac, Camarines Sur sa oportunidad na maging parte an satong mga kahimanwa sa arog kaning mga programa.
DIOS MABALOS PO.