OPLAN TSEK-UP
October 10, 2019
SENIOR CITIZENS DAY
October 22, 2019

KAMPANYA KONTRA DENGUE

KAMPANYA KONTRA DENGUE. Nin huli sa padagos na pagtaas kan mga kaso nin Dengue digdi sa satuyang nasyon susog sa Department of Health (DOH) asin sa kasuguan ni Secretary Eduardo M. Año, kan Department of the Interior and Local Government (DILG) na magka ugwang aksyon an gabos na lokal na gobyerno ta nganing mapundo an mga kaso nin dengue sa kanya kanyang banwaan asin nasasakopan na lugar, pinagmawot kan lokal na gobyerno kan banwaan nin Tinambac sa liderato ni Alkalde Ruel Brioso Tuy asin ni Bise Alkalde Belle Prades an pormal na pag puon ngunyan na semana kan kampanya kontra dengue sa paagi kan CLEAN-UP AND FUMIGATION/MISTING ACTIVITIES sa barangay Tambang.

An Clean-up and Fumigation/Misting Activities susog ki Konsehal Giuseppe P. Prades, na iyo man man an Committe Chairman on Health, ipapadagos puon ngunyan na Oktubre abot Desyembre sa mga barangay kan Bolao Balite, Magsaysay, Bagacay, Caloco, Sta. Cruz, Banga, Tierra Nevada asin Olag Grande.

Mabalos sa satuyang mahihigos na personahes kan Municipal Disaster Risk Reduction and Management Office (MDRRMO) sa pamamayo ni Mr. Romil Estolano, R.N. siring man sa kooperasyon asin partisipasyon kan mga Barangay Officials asin mga residentes kan barangay.

MALINIG NA KAPALIBOTAN SATUYANG PAGTARABANGAN, DENGUE SIGURADONG MAIIWASAN!