Turnover of Sewing Machines
February 9, 2021
DISTRIBUTION OF CASH AND FOOD SUBSIDY
February 9, 2021

LIVELIHOOD ASSISTANCE GRANT PAYOUT

LIVELIHOOD ASSISTANCE GRANT PAYOUT HATOD KAN DEPARTMENT OF SOCIAL WELFARE AND DEVELOPMENT (DSWD) KATUWANG KAN LOKAL NA GOBYERNO KAN BANWAAN NIN TINAMBAC.

Kaibahan si Assistant Regional Director Arwin Razo kan Department of Social Welfare and Development Office Regional Office V, Mr. Neil B. Benoyo asin si Mr. Isidro B. Bron, parehong DSWD Project Development Officers 2, Municipal Social Welfare and Development Officer Maam Nilda P. Evalla, Vice Mayor Belle Prades, Konsehales Glenn F. Abiog, Giuseppe P. Prades, Jona A. Geronimo, Veridiana P. Cortan asin iba pang opisyales kan banwaan, pinanginotan ni Mayor Atty. Ruel Brioso Tuy an pinag gibong LIVELIHOOD ASSISTANCE GRANT PAYOUT para sa mga katugangan nyatong parasira katakod kan pandemyang nararanasan nyato hasta ngunyan.

51 na parasira sa mga barangay kan Agay Ayan, Bani, Bagacay, Cagliliog, Daligan, Magsaysay, Pagasa, Salvacion Poblacion, Sogod, Pantat, New Caaluan asin Magtang an mga nagkwalipikar asin naging benepisyaryo kan Livelihood Assistance Grant. Sinda si mga lehitimo asin disiplinadong parasisirang Tinambaqueno na puon pa kan 2016 hasta sa presente, nagpaparehistro kan saindang mga baroto/bangka, nagsisira sa tamang lugar, may tama asin rehistradong palakaya asin nag susunod sa mga patakaran asin reglamentos na pinapautob kan satong lokal na gobyerno manungod sa tamang pagsira sa kadagatan.

Ngatutubod si Mayor Atty. Ruel Brioso Tuy sa dakulaon na maray na kontribusyon kan sektor nin mga parasira sa ekonomiya kan banwaan asin nasyon bilang saro sinda sa mga nagtataong kakanon sa lamesa kan kada pamilya kun kaya saiyang pinakiulay na gamiton sa tama an itinaong asistensya ta nganing makatabang sa pag asenso kan buhay.

An Livelihood Assistance Grant parte kan Sustainable Livelihood Program kan Department of Social Welfare and Development sa pakikipagtabangan kan Lokal na Gobyerno kan Banwaan nin Tinambac.

Asahan po nindo mga kahimanwa na an satong lokal na gobyerno padagos an pag gibo nin mga proyekto asin programa na makakatabang sa lambang Tinambaqueno asin sa gabos na sektor kan banwaan lalong lalo na ngunyan na kita nasa panahon pa nin pandemya.