Mobile Civil Registration
March 3, 2021
Handog Titulo Program
March 3, 2021

LTO E-Patrol Outreach

Sa liwat, magkakaugwa po an satong banwaan nin LTO E-PATROL OUTREACH PROGRAM puon Marso 1-31, 2021 na gigibohon sa atubangan kan satuyang munisipyo.  Programang hatod kan Lokal na Gobyerno kan Banwaan nin Tinambac sa pamamayo ni Mayor Atty. Ruel Brioso Tuy katuwang si Vice Mayor Belle Prades asin bilog na Sangguniang Bayan sa pakikipagtabangan kan Land Transportation Office Regional Office V na may katuyohan na mairani an serbisyo sa tao para sa sarong likay asin matanos na tinampo, asin siring man matabangan an mga kahimanwa nyatong maiwasan an dakulang multa o penalidad kan saindang mga lunadan dangan si mawot mag aprobitsar kan mga minasunod na serbisyo.

°Student Permit Application
°Renewal of Drivers License Non-Prof and Professional or Duplication of License (Drivers License not expired for 2 years)
°Renewal of delinquent registered motor vehicles
° Student Permits to Non-Prof to Professional License

Para sa iba pang mga kahapotan, apodan asin kontakon sana po nindo si MR. SHULAN N. ARAÑAS sa numerong 09511460555.

Sa panahon kan pandemya, kaibahan pirmi sa prayoridad kan satong lokal na gobyerno ang pagtabang sa lambang Tinambaqueño lalong lalo na sa sektor kan transportasyon. Sa liwat pirmi po ang samuyang pagirumdom sa pagkundoser kan LTO-OUTREACH PROGRAM, padagos po kitang magsunod sa mga polisiya, protocol asin iba pang panundon na pinapautob kan satong gobyerno ta nganing pirmi kitang likay sa huma kan pamdemyang padagos tang kinakaatubang ngunyan. May diskwento po sa babayadan an lambang Tinambacqueño na makuang lisensya paghale sa student to non prof to professional licenses kaya aprobitsaran ta po an pagkakataon na ini digdi sa satong banwaan.
MAGHERILINGAN PO KITA SA MGA ALDAW NA IYAN!
MABALOS PO.