Operation Tuli 2018
May 2, 2018
Month of the Ocean
May 8, 2018

MASS CIVIL WEDDING 2018

An lokal na gobyerno kan banwaan nin Tinambac sa pamamayo ni Alkalde Ruel Brioso Tuy na kun saen iyo man an naging Solemnizing Officer kan naka aging kasalang bayan, mawot magpasalamat partikular sa opisina kan Municipal Civil Registrar sa pamamayo ni Maam Jesusa L. Caceres na mahigos asin matyagang nag ikot sa satuyang kwarenta y kwatrong barangay ta nganing magproseso kan mga papeles kan mga kakasalon, siring man an mga tagapamahala kan Pantawid Pamilyang Pilipino Program digdi sa satuyang banwaan, mga municipal links asin sa gabos na nagtarabang ta nganing maging matrayumpo, makolor asin pano nin pagka minootan an pinaka enot na Mass Civil Wedding ngunyan na taon na pinag isponsoran kan lokal na gobyerno kan banwaan nin Tinambac sa pakikipag tabangan sa Department of Social Welfare and Development sa pamamayo ni Municipal Social Welfare and Development Officer Nilda P. Evalla.
An pinaka enot na kasalang bayan ngunyan na taon pinagpartisiparan kan abot sa 266 na pades na mga beneficiario kan Pantawid Pamilyang Pilipino Program o 4P’s. Sinda an mga mag aragom na haraloy ng nag iiribanan alagad mayo pang basbas nin kasal.
Presente man sa okasyon an bilog na myembros kan Sangguniang Bayan na sinda Konsehales Diane P. Cortan, Jonas Cabiles Soltes, Glenn F. Abiog, Oscar B. Brioso, June Barrion, Guiseppe P. Prades, Celeste Delos Angeles, Jona A. Geronimo asin si ABC President Arlene Abordo, Bokal Amador Simando, mga representate ni Bokal Mai Mai Pacamarra asin si Mr. Nonoy Villafuerte Magtuto.
Naging pinaka mayor na bisita sa okasyon si Gobernador Migz R. Villafuerte na nagserbing padrino asin man nagtaong asistensya pinansyal sa gabos na mga bagong kasal.
Bago matapos an okasyon pinagirumdom man liwat ni Alkalde Ruel Brioso Tuy na dawa pormal asin legal na an saindang pag iribanan saiya man giraray inienkaminar an gabos na bagong kasal na pag medyo naka luwag luwag na sa buhay mayo makakadaog kun sinda maghagad man giraray basbas sa Kagurangnan na iyo an may pinaka halangkaw na bendisyon asin mas mataong kapusogan kan saindang maray na pag iiribanan asin kan pamilyang saindang pinonan na makakatabang sa mas pang pag asenso kan komunidad asin kan bilog na banwaan.
Sa liwat Dios Mabalos po sa saindo gabos.