DC-21-01 Supply and Delivery of NFA Rice of LGU Tinambac
March 11, 2021
Tree Planting Activity
March 12, 2021

Micro Planning on National Covid Vaccine Development and Vaccination Program

LOCAL GOVERNMENT UNIT OF TINAMBAC MICRO PLANNING ON NATIONAL COVID VACCINE DEPLOYMENT AND VACCINATION PROGRAM.
Kan Marso 4, 2021, kaibahan si Municipal Health Officer Dr. John Paul E. Reazon, M.D, Municipal Disaster Risk Reduction and Management Officer Romil Estolano, Maam Josephine Batalla kan Department of Health, DILG Local Government Operations Officer VI Josef Roi O. Armenta, personahes kan Rural Health Units, Tinambac Municipal Hospital, Philippine National Police, Bureau of Fire Protection asin iba pang representantes kan pribadong sektor kan banwaan, pinangenotan ni Mayor Atty. Ruel Brioso Tuy an Expanded Local Health Board Meeting na may katuyohan na mapag urulayan an gabos na mga lakdang, plano, stratehiya asin iba pang maninigong gibohon kan satong lokal na gobyerno sa paagi kan satong Municipal Health Office manungod sa Covid 19 Vaccine Deployment and Vaccination Program ingkaso umabot na asin puonan na an pagbabakuna digdi sa satong banwaan.
Sa ginibong pag uurulay, malinaw na ipinasabot ni Dr. John Paul E, Reazon an kamugtakan siring man ang mga datos manungod sa nagkapirang kaso nin COVID 19 digdi sa satong banwaan asin saiya man ipinaaram an mga ginigibong lakdang kan saiyang opisina katuwang an Muncipal Disaster Risk Reduction and Management Office ta nganing mapaghandaan an programang ini. Ngunyan na uminabot na an mga bakuna sa COVID 19 sa satong nasyon, labi ka importanteng maray an pagpaplano para sa programang ini lalo na kan satong lokal na gobyerno ta nganing mas dakol na buhay an mailigtas asin padagos na mabawasan an mga kaso kan COVID 19 na halos sarong taon ng nagtataong huma sa satong mga salud asin buhay.
Bago magtapos an aktibidad, liwat pinasalamatan ni Mayor Tuy an gabos na mga frontliners kan banwaan na naging katuwang kan satong lokal na gobyerno puon sa pinaka puon kan pandemya hasta ngunyan, dusay asin husay na ginigibo an saindang mga trabaho ta nganing gabos kita maging ligtas sanang pirmi sa huma kan pandemyang dara kan COVID 19. Hagad mi po an kooperasyon nindo gabos sa programang ini asin giraray kita magkaboronyog laban sa pandemya asin sararo dawa may distansya!