Distribution of school supplies – La Medalla
September 24, 2018
ZFF Health Leaders for the Poor Program
September 24, 2018

Mobile Phone Signal Booster

Nin huli ta nagtutubod an satong lokal na gobyerno sa importansya kan linya nin komunikasyon lalong lalo na sa mga barangay na dai na inaabot nin mobile phone signals, pinagmawot ni Alkalde Ruel Brioso Tuy kaibahan an bilog na myembros kan Sangguniang Bayan na malaganan an harayo asin kostal na Barangay kan Caloco nin “Mobile Phone Signal Booster” na namumugtak sa halangkaw na lugar kataid kan Covered Court kan nasabing barangay.
An Barangay Caloco saro sa mga nagkapirang barangay kan banwaan na dipisil na maray o halos dai na inaabot nin cellphone signals, alagad nin huli sa proyektong ini, lambang konstituentes matatawan na nin oportunidad na magkaugwa nin linya nin komunikasyon na makakatabang sa sainda na mkaulay ang saindang mga kapamilya asin kamidbid lalong lalo na pag oras nin emerhensya asin kalamidad.
Pinonan ini sa Caloco asin padikit dikit gigibohan man kaini ang iba pang mga barangay na sakop kan satong banwaan na sa presente dai pa inaabot kan mga mobile phone signals.
Ini gabos parte kan mga prayoridad na proyekto kan satong lokal na gobyerno sa pamamayo ni Alkalde Ruel Brioso Tuy.