Supply of Labor and Materials for the Completion of RHU-I, (Social Hygene Clinic) at Municipal Compound, Binalay, TCS
November 18, 2019
End Violence Against Women
December 9, 2019

Ocular Inspection of Proposed Sanitary Landfill

Kaibahan si Municipal Assessor Raquel T. Hiloma, OIC-Provincial Assessor Maria Teresa D. Celimen, REA, Maam Luningning Carrios asin iba pang personahes kan Provincial Treasurers Office, pormal na pinagkonduser ang aktwal na ocular inspection sa Proposed Sanitary Landfill kan banwaan na ipapatugdok sa Barangay Union, Tinambac, Camarines Sur.

An pagpapatugdok kan sanitary landfill sarong pag sunod sa kasuguan ni Sec. Roy A.  Cimatu kan Department of Environment and Natural Resources para sa striktong implimentasyon kan Acta Republika 9003 o an Ecological Solid Waste Management Act of 2000.

Sa irarom kan RA 9003, pinagmamanduhan an pagpapasara kan mga open dumps, imbes an pagkunberter kaini nganing maging sanitary landfills. Sinasabi sa ley na ini na an satong lokal na gobyerno an may pinaka pangenot na obligasyon asin responsibilidad para sa tamang implimentasyon kan pag segregar asin pag apon kan mga basura digdi sa satong banwaan.

Susog ki Sec. Cimatu, kinakaipuhan tawan prayoridad kan gabos na lokal na gobyerno an solid waste management ta nganing masolusyonan ang naglalalang problema asin pagkolekta kan mga basura.

An pagpapatugdok nin sarong Sanitary Landfill digdi sa satong banwaan sarong prayoridad na proyekto kan Lokal na Gobyerno kan Banwaan nin Tinambac sa lindong kan administrasyon ni Alkalde Atty.Ruel Brioso Tuy, Bise Alkalde Engr. Belle Prades asin bilog na myembros kan Sangguniang Bayan.