MASS OATH TAKING
July 4, 2018
Angat Kabuhayan Program
July 11, 2018

OSY TRAINEES 27th GRADUATION CEREMONY

Kaibahan si Community Training Employment Coordinator Mr. Arnel R. Abiog asin an duwang personahes kan Technical Education and Skills Development-Regional Training Center na naka base sa PIli, Camarines Sur, pinangenotan ni Alkalde Ruel Brioso Tuy an pagtaong onra sa gabos na estudyanteng nag gradwar sa pinag konduktang TESDA Trainings para sa mga out-of school-youth digdi sa satuyang banwaan na may kursong Shielded Metal Arc Works NC-I, Automotive Servicing NC-I, asin an Electronics Products Assembly and Servicing NC-II.
Sa pinag gibong 27th Graduation Ceremony sinabi kan Alkalde na an pagiging out-of school-youth, kapagtiosan asin iba pang kadipisilan sa buhay dai dapat maging ulang sa lambang saro sa sainda para mareyalisar an saindang pangaturugan sa buhay. Kaipuhan sana nin higos, dedikasyon, determinasyon asin pagkakaugwang pokus sa saindang kursong pinag eskwelahan, padikit dikit makakagios asin dagos man giraray an pag asenso sa buhay.
Bilang pang huring mensahe kan Alkalde, saiyang winalat an angat sa mga nakagradwar, na pag napraktis ninda an saindang mga pinag adalan asin nakakuang maray na trabaho sa harayong lugar, sinda magbalik man giraray sa satuyang banwaan para giraray makatabang sa ano man na paagi ta nganing mas lalo pang mapa asenso an satuyang padangat na banwaan.
An pagtaong asistensya pinansyal sa mga out-of school-youth na mawot makatapos sa TESDA Vocational Training Program parte kan community skill training program kan lokal na gobyerno kan banwaan nin Tinambac sa pamamayo ni Alkalde Ruel Brioso Tuy na may katuyohan na makatabang sa mga jovenes na mawot makatapos nin kursong bokasyonal.