Contract Signing
September 24, 2018
Vice President Leni G. Robredo with the fisherfolk
September 24, 2018

Pagbisita ni Bise Presidente Leni G. Robredo

Sa pagbisita ni Bise Presidente Leni G. Robredo sa Barangay San Ramon, personal nyang hinurot na makaulay an tres syentos na ordinaryong paratanom na naghahale pa sa mga barangay kan Antipolo, Olag Pequeno, Magsaysay, San Roque, San Ramon, Sagrada, Bataan,Daligan, Cagliliog, Pagasa, Buenavista, Salvacion,Magtang,Cawaynan, San Vicente, Banga, Canayonan, Tierra Nevada, Pantat,BolaoBalite,Lupi asin Agay Ayan.Sinda an mga paratanom na benepisyaryo kan Vegetable Production Enhancement Program, sarong prayoridad na programa sa agrikultura kan satong lokal na gobyerno, katuwang an opisina ni Bise Presidente Leni G. Robredo sa paagi kan #AngatBuhay Program.
Sa mensaheng ipinaabot kan Bise Presidente, saiyang pinasalamatan an gabos na nag atendir, saiya man tinawan pag omaw an kontribusyon kan mga ini sa lado kan agrikultura asin bilang pagrekonoser kan saindang sakripisyo asin kapagalan, pinagmawot ni VP Leni G. Robredo na mas lalo pang tabangan an gabos na paratanom kan banwaan nin Tinambac sa paagi kan #OMAsensongPangkabuhayan na parte man giraray kan mga maray na programa kan saiyang opisina.
Haloy ng pangaturogan kan administrasyon ni Alkalde Ruel Brioso Tuy na magkaugwa an satong banwaan nin mga organisadong asosasyon nin mga paratanom, kaya labi labi an kaogmahan kan ini nareyalisar sa paagi kan Vegetable Production Enchancement Program kan satong lokal na gobyerno asin dobleng kaogmahan pa kan mismong marekonoser ini kan satong namomotan na Bise Presidente.
Maswerte po an satong banwaan ta pirmi kitang nabibisita ni Bise Presidente Leni G. Robredo. Sa liwat, sa ngaran po kan bilog na lokal na gobyerno kan banwaan nin Tinambac sa pangingenot ni Alkalde Ruel Brioso Tuy kaibahan an bilog na myembros kan Sangguniang bayan, an pagpasalamat sa satuyang namomotan na Bise Presidente sa gabos na mga proyekto asin programang itinao asin padagos na tinatao sa banwaan nin Tinambac.