PRE-TRAINING WORKSHOP
February 9, 2021
NDRRMF Utilization Report December 2020
February 9, 2021

Quarterly Meeting of Barangay Health Workers

Si Mayor Atty. Ruel Brioso Tuy sa pakikipag ulay kan suodma sa ginibong quarterly meeting kan gabos na Barangay Health Workers asin Barangay Nutrition Scholars kan interong 44 na barangay kan banwaan. Sa mensaheng ipinaabot ni Mayor Tuy, saiyang pinasalamatan an gabos na BHW asin BNS sa saindang dakulang kontribusyon bilang mga frontliners kan barangay. Saiya man na pinagrekonoser asin pinagtawan onra an gabos na barangay health workers asin barangay nutrition scholars na halawig ng taon na nagseserbisyo sa barangay.

Saro sa mga adbokasiya kan lokal na gobyerno iyo an manungod sa sanidad asin salud kaya liwat pinagirumdom ni Mayor Tuy ang importansya kan pagkakaugwang malinig na health centers asin an pagmantenir kan sanidad kan mga ini. Saiya man na pinagtukar an pwedeng maging partisipasyon asin kontribusyon kan gabos na barangay health workers asin barangay nutrition scholars sa gigibohon na Search for Best Performing Barangay Award asin Excellence Award on Health sa masurunod na aldaw.

Inasigurar man ni Mayor Tuy na matabang an lokal na gobyerno sa pagpapatugdok kan mga bago asin nagkagarabang health centers sa mga barangay bilang saro sa mga prayoridad na proyekto kan lokal na gobyerno kan banwaan nin Tinambac ngunyan na taon. Presente man sa okasyon si Municipal Health Officer Dr. John Paul Reazon asin Rural Health Unit I Nurses Maam Ma. Magdalena C. Abiog asin Maam Haidee Javier na iyo an mga namamayo kan mga Barangay Health Workers asin Barangay Nutrition Scholars sa banwaan.