SHARED SERVICE FACILITIES FOR FOOD PROCESSING
February 9, 2021
LIVELIHOOD ASSISTANCE GRANT PAYOUT
February 9, 2021

Turnover of Sewing Machines

Pinangenotan ni Alkalde Atty. Ruel Brioso Tuy kaibahan si Bise Alkalde Belle Prades, Konsehal Veridiana P. Cortan, Konsehal Giuseppe A. Prades asin iba pang opisyales lokal kan banwaan an pormal na pagturnover kan pitong(7) makina sa pagtahi/sewing machines hale sa kahagadan kan satong lokal na gobyerno ki Gob. Migz R. Villafuerte, pamayo kan gobyerno probinsyal kan Camarines Sur.

An mga makina sa pagtahi inisyal na pinagtao sa mga grupo nin paratahi sa mga barangay kan Canayonan, Buenavista, New Caaluan, San Jose, Sagrada, Magsaysay asin Banga bilang parte kan Sustainable Livelihood Program kan Lokal na Gobyerno kan Banwaan nin Tinambac sa interong 44 na barangay kan satong banwaan.An inisyal na proyektong ini magpapadagos sa interong kwarenta y kwatrong barangay sa masurunod na aldaw kaya labi kaimportante na an mga kagamitan na ini mapangatamanan asin mapatalubo bilang katabangan kan lokal na gobyerno sa pagbuhay kan mga katugangan nyatong paratahi.

Nagtutubod si Alkalde Tuy na an arog kaning mga kagamitan dakulang katabangan sa sektor nin mga paratahi digdi sa satong banwaan para sa saindang kabuhayan orog na ngunyan na yaon pa kita sa panahon nin pandemya.